Neymar përbën gjithnjë lajm, madje edhe kur është i dëmtuar. E përditshmja prestigjioze spanjolle El Mundo Deportivo vazhdon të këmbëngule se ylli brazilian nuk do te qëndroje më tek PSG, pas përfundimit të këtij sezoni megjithëse u ble për shifrën stratosferike 222 milion euro nga sheikët në verën e vitit të kaluar. Sipas El Mundo Deportivo, sulmuesi 25 vjeçar ka vendosur të rikthehet ne La Liga aty përjetoi vite të arta me fanellën e Barcelonës, përpara se të transferohej ne ligën e parë franceze.
Neymar i ka rrëfyer miqve të tij të afërt se është penduar për lëvizjen e bujshme që bëri vitin e kaluar, e madje do të kishte dëshirë të rikthehej sërish tek Barcelona, aty ku me Messin dhe Suarez përbënin një nga sulmet më të frikshme në histori.
Por duket se katalanasit nuk janë në një mëndje me ish-lojtarin e tyre pasi e kanë pritur ftohte idenë për të rikthyer në ekip yllin brazilian. Një tjetër opsion është Reali i Madridit që me siguri do të kërkoje te rinovoje sulmin pasi Benzema dhe Garet Bejl janë gati të sigurte drejt largimit, ndërsa Ronaldo po shkon 34 vjeç. Pengesa më serioze në këtë rast duket se do të jetë shuma që i ka vënë kartonit të lojtarit klubi parisian dhe sipas El Mundo Deportivo, sheikët e PSG nuk kanë ndërmend ta lejojnë Neymar të iki pa arkëtuar 400 milion euro, plot 180 milion me shumë sesa i paguan Barcelonës për këtë futbollist qe aktualisht është i dëmtuar.
Por ndërkohe që rrezikon të humbasë Neymarin, një tjetër yll mund ta zëvendësoje tek PSG. Bëhet fjalë për Paulo Dybalen, për të cilin Dani Alvesh i ka bërë thirrje klubit parisien ta blejë në vere nga klubi i Juventusi duke e konsideruar ideal për ekipin francez.
