Pritja mori fund. Neymar është gati të luajë për herë të parë për PSG, pasi u transferua për shifrën rekord 222 milion euro nga Barcelona. Federata Spanjolle e Futbollit ka dërguar pranë homologeve francez, lejen e kalimit që pengonte aktivizimin e 25-vjeçarit brazilian në ligën e parë.
Bllokimi kishte ardhur më së shumti edhe për shkak të Barcelonës, e cila priste që t’i bëhej aktiv çeku me 222 milion euro i PSG që u pagua për blerjen e Neymar, gjë e cila u realizua pikërisht të premten ne mëngjes. Menjëherë pasi shuma e madhe e prishjes së klauzolës u bë aktive, katalanasit i dhanë të drejte federatës spanjolle që të dërgojë pranë federatës franceze certifikatën e transferimit të yllit brazilian tek kryeqytetasit.
Tani pritet me shumë entuziazëm ndeshja e kampionatit të dielën ne mbrëmje ne Park de Prins mes PSG dhe Guinkamp, ku Neymar do të jetë nga minuta e parë në fushë për herë të parë si blerja më e shtrenjte ne historinë e futbollit botëror. Dhe natyrisht si lider i ri i PSG që ka për synim te rifitoje kurorën e kampiones në ligën e parë franceze, por të jetë edhe ne finalen e Uefa Champions League vitin e ardhshëm.
