Benjamin Netanyahu nuk e përjashtoi mundësinë që Izraeli të shënjestrojë Udhëheqësin Suprem të Iranit, Ajatollah Ali Khamenei, si pjesë e operacionit kundër Iranit.
Netanyahu komentoi deklaratën e ministrit të Mbrojtjes, Israel Katz, i cili tha se Khamenei “nuk mund të vazhdojë të ekzistojë më”.
Kryeministri izraelit tha: “Kam dhënë urdhër që askush në Iran të mos ketë imunitet”.
“Përtej kësaj, nuk mendoj se është e përshtatshme ose e nevojshme të shtoj diçka. Besoj se veprimet duhet të flasin shumë më tepër se fjalët”, shtoi ai.
Disa ditë më parë Donald Trump e quajti Khamenein një “shënjestër të lehtë” për SHBA-në dhe Izraelin, por thuhet se ai kundërshtoi një plan izraelit për të vrarë Khamenein./vizionplus.tv
