Benjamin Netanyahu ka deklaruar këtë të hënë se Izraeli mbështet bllokadën detare të vendosur nga SHBA-të ndaj porteve iraniane.
Në një videomesazh drejtuar kabinetit të tij, kryeministri izraelit u shpreh: “Presidenti Trump vendosi për një bllokadë detare ndaj tyre. Ne, sigurisht, e mbështesim këtë qëndrim të vendosur.”
Ai bëri të ditur gjithashtu se të dielën ka zhvilluar një bisedë me zëvendëspresidentin amerikan JD Vance, pas negociatave me Iranin.
Sipas tij, Vance theksoi se “çështja kryesore është eliminimi i të gjithë materialit të pasuruar bërthamor dhe sigurimi që të mos ketë më pasurim”.
Netanyahu shtoi se Vance e kontaktoi nga avioni gjatë kthimit nga Pakistani dhe e informoi me detaje mbi ecurinë e negociatave me Iranin.
Kryeministri izraelit theksoi gjithashtu se çdo pretendim për një përçarje mes SHBA-ve dhe Izraelit është “krejtësisht i pavërtetë”.
