Nesër, komisioni i reformës në drejtësi

Te premten ne orën 11:00 do te mblidhet Komisioni i Posaçëm për Reformën ne Drejtësi, i cili do te ketë si pike te vetme ne rendin e ditës, miratimin e paketës kushtetuese qe do t’i çohet Komisionit te Venecias. Lëvizja Socialiste per Integrim ka mbledhur juristet per te qartësuar qëndrimin, qe do te mbaje ne komision. Në një konferencë për shtyp, deputetja Silva Caka tha në emër të LSI-së që të gjitha partitë politike të bëhen pjesë e kësaj reforme, e cila ka si të domosdoshëm pikësëpari konsensusin. Kreu i Partisë Demokratikë, Lulzim Basha, ka zhvilluar një mbledhje për më shumë se 3 orë me anëtarët e opozitës në Komisionin e Posaçëm për reformën. Demokratet nuk do te depozitojnë draft ne komision, pasi per ta udhërrëfyesi i procesit duhet te jete Komisioni i Venecias. PD do t’i drejtohet me nje letër Venecias, ku do te paraqesin qëndrimet e saj ne lidhje me paketën kushtetuese. Edhe për aleatin më të madh të opozitës Fatmir Mediu, reforma duhet të garantojë që drejtësia të mos kapet nga kupola politike. Pasi Komisioni i Posaçëm te shqyrtoje draftin e hartuar nga ekspertet te nivelit te larte dokumenti do t’i dërgohet Komisionit te Venecias.