Nesër fadromat zbresin në Velipojë dhe Ksamil
Nesër fadromat e Inspektoriatit Kombëtar të Mbrojtjes së Territorit zbresin në terren për të prishur objektet pa leje në vijën bregdetare. I ftuar në “E-ZONE” zv/kryeinspektori i IKMT Guri Seferi shpjegoi se cilat janë zonat më problematike.
“Velipoja si dhe Ksamili janë dy fshtatrat turistikë ku dominojnë ndërtimet pa leje. Më së shumti bëhet fjalë për bare dhe restorante, por nuk mungojnë dhe njësi akomoduese, pra hotele. Të gjitha objektet janë verifikuar lidhur me ligjshmërinë e tyre edhe me Agjencinë e Kadastrës. Prishjet do të pasohen edhe me heqjen menjëherë të inerteve.”
Përfaqësuesi i IKMT-së shprehet se ka një ndërgjegjësim të qytetarëve, pasi ndërtimet pa leje nuk kryhen më si dikur, por fenomeni mbetet ende prezent.
“Ne e kemi patur penalitetin 500 mjë lekë të reja për ata që ndërtojnë pa leje, ndërsa tashmë ligji është ashpërsuar dhe ndëshkimi ka arritur në 5 milionë lekë, deri në ndjekje penale”, u shpreh Seferi.
