Ditën e nesërme Greqia do të paralizohet për shkak të grevës 24-orëshe, e organizuar nga Konfederata e Përgjithshme e Punëtorëve dhe unioneve të tjera. Sektorët kryesorë publikë nuk do të jenë në funksionim ditën e nesërme, duke protestuar kundër varfërisë, papunësinë dhe taksave të larta.
Po ashtu, do të punojnë me kohë të reduktuar tramvajet, hekurudha elektrike, metroja dhe autobusët. Punonjësit e hekurudhës dhe të porteve do të marrin pjesë në ketë proteste. Greva 24-orëshe pritet të shkaktojë probleme në qarkullim, në shkolla, spitale etj, përveç urgjencës.
Gazetarët gjithashtu janë të përfshirë në grevë. Ajo do të ndikojë gjithashtu edhe në fluturimet e Olympic Air për rreth katër orë. Ndërsa federata e mësuesve do të marrë pjesë duke bojkotuar mësimin.
