Ish-kreu i Aleancës Kuqezi, Kreshnik Spahiu parashikoi ndërprerjen e marrëdhënieve midis ndërkombëtarëve dhe Partisë Demokratike, nëse kryedemokrati Lulzim Basha nuk largon nga partia ish-kryeministrin Sali Berisha.
Në “Facebook”, Spahiu u shpreh se në sallën e Parlamentit nuk mund të ketë vend edhe për përfaqësuesit e SHBA-BE, edhe për Berishën.
“PARASHIKIM: Nëse Lulzim Basha nuk e largon Sali Berishën nga Partia Demokratike dhe si deputet i tyre, në shtator SHBA dhe BE zyrtarisht ndërpresin mardhëniet me grupin parlamentar dhe partinë duke e bojkotuar pa afat. Kush mendon se shpallja Non-Grata pengon vetëm vajtjen si turist në Amerikë, ka gabuar shumë rëndë. Ruajeni këtë mesazh deri në 10 shtator: Atë ditë: Ose Berisha, ose ambasadorët në sallë ditën e parë të legjislaturës parlamentare: Të dy, JOOO.”
