Gjatë 24 orëve të fundit në vendin tonë janë konfirmuar pozitivë me koronavirus edhe nëntë persona të tjerë.
Marjeta Dervishi nga Instituti i Shëndetit Publik tha se janë testuar 146 qytetarë të dyshuar.
Totali i të infektuarve shkon kështu në 998. Rastet e reja janë konfirmuar në Tiranë, Durrës dhe Shkodër.
“Gjatë 24 orëve të fundit janë testuar 146 qytetarë si të dyshuar të prekur me COVID-19 dhe janë konfirmuar pozitivë 9 raste. Shpërndarja gjeografike e rasteve është si vijon: 5 raste në Tiranë, 3 në Durrës dhe 1 në Shkodër. Të shëruar janë 6 qytetarë. Nga fillimi i epidemisë janë kryer mbi 14 mijë testime molekulare dhe serologjike. Deri më sot janë konfirmuar pozitivë me COVID-19 në të gjithë vendin 998 qytetarë. Prej tyre, rreth 79% janë të shëruar.”
Raste aktive në vendin tonë janë 177. Shpërndarja gjeografike e tyre është si vijon:
Tiranë 60
Durrës 53
Krujë 27
Shkodër 11
Berat 10
Kamëz 9
Fier 4
Elbasan 1
Mirditë 1
Korçë 1
Të shtunën në mbrëmje u shënua edhe viktima e 32-të, një 64-vjeçare nga Tirana që vuante edhe nga limfona e trurit.
