Nënshkruhet në Pragë protokolli i bashkëpunimit ekonomik mes Shqipërisë dhe Çekisë. Ky protokoll u firmos nga zv.ministrja e Financave, Belinda Ikonomi dhe për palën çeke nga zv.ministrja e Industrisë dhe Tregtisë, Martina Tauberová.
Gjatë këtij sesioni të 6-të të grupit të përbashkët të punës mes dy vendeve, dy zv.ministret diskutuan mbi hapat që do të ndërmerren nga të dyja palët në vijim.
Shkëmbimet tregtare mes Shqipërisë dhe Çekisë për vitin 2019 kapin një vlerë prej 94 milionë euro.
Në këtë protokoll përfshihen çështje të bashkëpunimit ekonomik, tregtisë dhe investimeve në infrastrukturë, industri, energji, mjedis, bujqësi, turizëm, standardizim, metrologji, etj.
