Në takimin midis pesë shteteve në qytetin kazak, Aqtau, është nënshkruar konventa për statusin ligjor të Kaspikut. Liderët e Azerbajxhanit, Iranit, Kazakistanit, Rusisë dhe Turkmenistanit kanë nënshkruar këtë të dielë një konventë të re mbi statusin ligjor të Detit Kaspik, që është i pasur me burime.
Statusi ligjor i Detit Kaspik është njëra prej çështjeve më të diskutueshme në mes këtyre pesë vendeve fqinje për më shumë se 20 vjet. Ndërsa asnjë detaj nuk është dhënë nga liderët, mbi marrëveshjen e arritur, gjatë fjalimeve që mbajtën përpara se të nënshkruanin dokumentin.
Ndërkohë debatet nëse Kaspiku është det apo liqe kanë nisur që kur u shpërbë Bashkimi Sovjetik më 1991. Nëse konsiderohet si det, atëherë pesë shtetet do të vendosin kufijtë e tyre që shtrihen nga brigjet e tyre deri në pikën e mesme me shtetet fqinje, ndërsa nëse klasifikohet si liqe, atëherë kjo do të thotë se burimet e Kaspikut do të ndaheshin në mënyrë të barabartë në mes të këtyre pesë shteteve.
Në shtratin e Kaspikut vlerësohet se ka burime në vlerë prej trilionë dollarësh të hidrokarbureve, ku janë rreth 50 milionë fuçi nafte dhe rreth 9 trilionë metra kubik me gaz natyror.
