Greqia vijon të këmbëngulë tek kërkesa e saj e hershme se kusht për integrimin e Shqipërisë mbetet minoriteti.
Në nisje të Samitit të Selanikut, kryeminsitri grek Kyriakos Mitsotakis I bëri apel Tiranës zyrtare që të vazhdojë me një regjistrim të paanshëm dhe objektiv të popullatës së saj, duke respektuar plotësisht të drejtën e vetëdeklarimit dhe të garantojë në praktikë pronën dhe të drejtat e Minoritetit Kombëtar Grek
Për Mitsotakis, Shqipëria duhet të shmangë gjithashtu edhe retorikën për çështjet jo ekzistuese.
“Sa i përket Greqisë, asnjëherë nuk kam fshehur se duam dy fqinjët tanë në Bashkimin Evropian. Por ne gjithashtu presim që ata të ndërmarrin hapat e nevojshëm: Shqipëria të vazhdojë me një regjistrim të paanshëm dhe objektiv të popullatës së saj, duke respektuar plotësisht të drejtën e vetëdeklarimit dhe të garantojë në praktikë pronën dhe të drejtat e Minoritetit Kombëtar Grek. Gjithashtu duhet të shmangim veprimet që minojnë rregullat e fqinjësisë së mire ose retorikën për çështje jo-ekzistuese. U takova me përfaqësuesit e minoritarëve tanë në Shqipëri, ku dëgjova problemet që ata hasin, dhe përsërita pikërisht atë që po them këtu. Asgjë më pak, asgjë më shumë.”
Kryeministri grek gjithashtu u shpreh I gatshëm për të bashkëpunuar me fqinjin e sdaj Shqipërinë e Maqedoninë e Veriut ndërsa u bëri thirrje atyre që të vijojnë progresin për t’u integruar në BE.
“Kjo është pikërisht busulla që përcakton politikën e jashtme greke. Në mënyrë të veçantë në lidhje me Ballkanin dhe Evropën Jug-Lindore, ekzistojnë tre udhëzime: Së pari, forcimi i vazhdueshëm i marrëdhënieve tona bilaterale me të gjitha vendet e Ballkanit. eshtë themeli për përparimin e secilit vend individualisht. është gjithashtu lënda djegëse për një bashkëpunim më të gjerë rajonal. Ballkani mund dhe duhet të punojë së bashku, duke u shtrirë përtej zonës së tij gjeografike. Së dyti, siç ju thashë tashmë, mbështetja e qëndrueshme për perspektivën evropiane të të gjitha vendeve të Ballkanit Perëndimor. Si anëtari më i vjetër dhe më i fortë i Bashkimit Evropian, Greqia është e vetëdijshme për rëndësinë e një zhvillimi të tillë. Kjo është arsyeja pse ajo inkurajon vendet kandidate të bëjnë ndryshimet e vështira që do t’i afrojnë ata në Evropën e Demokracisë, Ligjit dhe Ekonomisë së Hapur.”
Mitsotakis shprehu vlerësime gjithashtu edhe për nismën e Ministrit të Jashtëm Dendias për të ftuar në Bruksel homologët e tij nga Tirana dhe Shkupi në Këshillin e ardhshëm të ministrave të Jashtëm të BE-së.
