Ministri i Jashtëm në detyrë, Gent Cakaj e cilësoi vendimin e Komisionit Europian për hapjen pa kushte të negociatave për Shqipërinë, si të merituar.
Në një konferencë për shtyp, Cakaj tha vendi I plotësoi të gjitha detyrat dhe se raporti e dëshmoi më së miri këtë fakt.
“Komisioni nënvizon se Shqipëria është një rast suksesi sa i përket reformës në drejtësi. E veçon për një shkak me vlerë të dyfishtë, nivelin e performancës ndërkombëtar. Duke vlerësuar numrin e gjyqtarëe dhe prokurorëve të vetuar thekson se është kryer nën monitorimin e ONM”
Sipas Cakajt ka ardhur koha që palët politike të lënë mënjanë interesat e tyre dhe të bashkëpunojnë për integrimin e vendit.
“Interesat e vendit duhet të kalojë çdo interes politik e personal. Në vend të retorikave shterpe ka ardhur koha e dialogut”
Ministri në detyrë tha më tej se Shqipëria do nisë dialogun me vendet anëtare të BE në mënyrë që vendit t’I hapen negociatat qysh në qershor.
