Gjykata në Greqi ka lënë në burg Florand Shehun, shqiptari që vrau bashkëshorten e tij pak ditë më parë.
Para trupit gjykues, Shehu ka ndryshuar dëshminë, duke deklaruar se e ndjera nuk ishte në gjumë në momentin kur ai e qëlloi me thikë.
Para se të futej në ambientet e gjykatës, Shehu u sulmua nga familjarët e ish-bashkëshortes së tij, Anisa Shehu, të cilët hidhnin shishe dhe gota uji në drejtim të tij, ndërsa dy prej tyre u afruan për ta qëlluar me grusht në fytyrë, por u penguan nga policia.
Në një moment, i afërmi i viktimës dëgjohet teksa i thotë: “Ne të kishim në shtëpi dhe po të ushqenim dhe ti na vrave vajzën”.
39-vjeçar shqiptar akuzohet për “vrasje me dashje”. Në dëshminë e tij, autori pohoi se kishte prova që viktima kishte një lidhje jashtëmartesore, e për këtë arsye, ai e qëloi për vdekje.
