Ne ditën e fundit qe ligji elektoral parashikon për regjistrimin e partive politike ne zgjedhje, opozita ka rikonfirmuar bojkotin e procesit te 18 qershorit.
“Koalicioni opozitar i mbledhur në afatin e fundit të limiteve ligjore të regjistrimit, ka vendosur njëzëri, mosregjistrimin e opozitës deri në realizimin e një pakti kombëtar politik për zgjedhje të lira dhe të ndershme, përmes një qeverie teknike, që do të zbatojë deri në fund ligjin për dekriminalizimin, që do të luftojë me efektivitet drogën dhe paratë e saj dhe do të garantojë kushtet për zgjedhje të lira dhe të ndershme.”
Përtej mos regjistrimit ne zgjedhje opozita ka vendosur te bllokoje zgjedhjet per Bashkinë e Kavajës qe mbahen ne 7 maj, duke zhvilluar nje proteste qe do te nise qe ne 6 maj e do te vazhdoje përgjatë gjithë ditës se zgjedhjeve.
“Mbajtja më datë 7 maj, në qytetin kaq simbolizues për demokracinë, për lirinë, në qytetin e Kavajës, të një proteste të madhe kombëtare për të pamundësuar me forcën e bashkimit, përmes një lëvizje popullore, paqësore dhe demokratike, zgjedhje fasadë të diktuara nga krimi.”
Sipas bashes me largimin e Rames nga posti i kryeministrit i hapet rruge masave për zgjedhje te lira e te ndershme.
“Siç janë votimi biometrik elektronik që do të thotë automatikisht edhe numërim elektronik i votës, siç është kufizimi i shpenzimeve në fushatë elektorale, kriminalizimi i shpenzimeve mbi këtë limit, financimi 100% publik i partive politike dhe kriminalizimi i financimeve private.”
Fjalimi i Bashes para demokrateve është ndërprere ne nje moment nga plasja e një kapsolle.
Ne ditën e 52 te protestës, Basha mbetet i vendosur per te mos dale nga çadra, duke e shprehur kete vullnet ne gjuhen e Berlinit.
