Këshilli i Emërimeve në Drejtësi mbyll sot procesin për kandidatët që garojnë për gjyqtarin e 6 të Kushtetueses.
Në mbledhjen e sotme këshilli do të zhvillojë intervistat me dy kandidatët për këtë post, Aleksandër Toma dhe Përparim Kalo, do të bëjë vlerësimin e tyre dhe do t’ia nisë Presidentit të Republikës Ilir Meta i cili do të zgjedhë anëtarin e ri të Gjykatës Kushtetuese.
Me zgjedhjen e këtij gjyqtari Kushtetuesja bëhet me 6 anëtarë dhe bëhet funksionale.
Prej disa javësh ambasadorja amerikane Yuri Kim ka këmbëngulur që Gjykata Kushtetuese të bëhet funksionale brenda këtij viti, apel ky që u dëgjua nga të gjitha institucionet.
