Edhe pak ditë na ndajnë nga premiera e sezonit të 7 të “Game of Thrones”. Yjet e serialit më të parë në botë kanë ecur në tapetin e kuq dhe dukeshin mjaft të emocionuar për sezonin e ri.
Sophie Turner ishte veshur thjesht me një fustan me xixa dhe taka. Flokët e saj ngjyrë karrote binin në sy si gjithmonë. Në premierë ajo u shfaq pa të dashurin muzikant Joe Jonas. 21 vjeçarja britanike dukej mjaft e këndshme dhe elegante. Ajo ka qenë vetëm 15 vjeç kur nisëm filmimet për Game of Thrones.
Ndërkohë motra e saj në ekran dhe shoqja e ngushtë në jetën reale, Maisie Williams dukej vërtet magjepsëse e veshur me një fustan të gjelbër. Ajo e kishte kombinuar fustanin me një çantë të vogël, taka të zeza e disa akesorë minimalist.
E i preferuari i shumë fansave, Kit Harington kishte ardhur i shoqëruar nga e dashura e tij, Rose Leslie që u vra disa sezone më parë në “Game of Thrones”, por kjo nuk e pengoi të rrëmbente zemrën e Kit. Çifti dukej bukur teksa buzëqeshnin për fotografët, krah më krah me njëri-tjetrin.
