Të paktën 13 persona dyshohet se kanë humbur jetën, ndërsa 7 të tjerë janë dërguar me urgjencë në spital, pasi një anije peshkimi u përplas me një cisternë prej 336 tonësh në brigjet e Koresë së Jugut.
Varka e peshkimit mbante 20 pasagjerë në bord gjatë momentit të përplasjes. Pamjet tregojnë se si anija është përmbysur, ndërsa ekipet e shpëtimit po vijojnë kërkimet për të gjetur trupat. Autoritetet kanë aktivizuar helikopterë e dhjetë anije në operacionin e kërkim-shpëtimit.
Mësohet se edhe kapiteni i anijes është në mesin e personave të zhdukur. Mediat vendase raportojnë se përplasja ndodhi nëntë minuta pasi anija e peshkimit u nis nga bregu, ndërsa nuk ka raportime për të lënduar dhe as dëme serioze ne radhët e ekuipazhit qe ndodhej ne cisterne.
