Shërbimet e Komisariatit të Policisë Dibër në bashkëpunim me atë të Bulqizës kanë arrestuar këtë të premte një 24 vjeçar të shpallur në kërkim për vjedhje banesash.
Shtetasi i arrestuar është me inicialet V.LL, banues në Bulqizë.
Ky shtetas, sipas policisë, me datë 10.10.2019, në fshatin Grezhdan, Maqellarë dyshohet se ka vjedhur banesat në pronësi të shtetasve H.H, dhe G.H, duke marrë materiale të ndryshme.
Ndërkohë vijon puna për dokumentimin me prova ligjore edhe për disa vjedhje të tjera të ndodhura më parë që dyshohet se janë kryer nga ky person.
