Për të, Çesk Zadeja ka qenë një baba i dytë, babai artistik. E pikërisht në kujtim të tij ka udhëtuar këtë javë nga Gjermania. Dhurata Lazo, pianistja që eci në gjurmët e tij luan sot krijimin e tij të fundit, atë që u shkrua posaçërisht për të.
Në çdo koncert apo album të regjistruar ajo ka gjithnjë një melodi shqiptare e më së shumti një krijim të Çesk Zadesë.
Për Dhuratën, koncerti që do ta ngjisë në skenë është një emocion i dyfishtë, pasi jo vetëm që luan një krijim të shkruar për të por, edhe sepse luan në piano, në skenën ku u diplomua shumë vite më parë.
