Policia e Kosovës ka arrestuar 6 persona të nacionalitetit serb në veri. Arrestimi i tyre është bërë në rrugën “Mbreti Petri” në veri të Mitrovicës pasi rreth mesnatës këta persona, në gjendje të dehur sulmuan zyrtarët policorë.
Të arrestuarit akuzohen për veprën penale “sulm ndaj personit zyrtar”.
Siç njofton policia e Kosovës arrestimi i të dyshuarve është bërë mbi dyshime të arsyeshme për përfshirje në një rast përleshje mes tyre që ka ndodhur me datë 25.02.2025 në rrugë “Kral Petri” në Mitrovicë të Veriut, përkatësisht para kafenesë “Tre sheshira”.
Pas ndërhyrjes se njësisë patrulluese për ta ndaluar konfliktin, të dyshuarit fillimisht i kanë ofenduar e më pas i kanë sulmuar zyrtarët policorë, ku tre zyrtarë kanë pësuar lëndime dhe janë dërguar në spital.
Nga testi i alkoolit rezultoi se thuajse të gjithë personat e përfshirë në këtë rast kishin konsumuar sasi të larta alkooli:
- N.N. – 24 vjeçar 1.59 ‰
- N.N. – 26 vjeçar 1.62 ‰
- A.B. – 28 vjeçar 1.50 ‰
- A.B. – 30 vjeçar 1.57 ‰
- I.R. – 24 vjeçar 1.21 ‰
- B.D. – 19 vjeçar 1.84 ‰.
/vizionplus.tv
