Nga atentati me minë të telekomanduar në rrugën “Irfan Tomini” në kryeqytet, mbeti i plagosur edhe një i mitur. Ai është dërguar nga familjarët e tij në spitalin e “Traumës” dhe ndodhet jashtë rrezikut për jetën.
Pak më parë, u raportua se nga ky atentat u plagos edhe një shtetas italian, i cili ishte kalimar në çastin kur ndodhi shpërthimi.
Sa i përket shënjestrës së këtij atentatit, Preng Gjini, gjendja e tij shëndetesore paraqitet e rënduar.
Ai është vëllai i Tonin Gjinit, që u ekzekutua në mes të Rrëshenit në sy të fëmijëve të tij. Policia ka të dhëna se në zanafillë të konfliktit mes dy familjeve qëndrojnë pazaret e prishura të drogës.