Nje jave pas publikimit te audio pergjimit ku protagonist pretendohet se eshte vellai I ministrit te brendshem, ndryshon teresisht skenari I kesaj ceshtje. Ajo qe ishte menduar se ishte denoncim I opozites me nje pergjim qe vinte nga burime te paqarta, sot eshte paraqitur si investigim I nje gazetari.
Jetmir Olldashi ka dale para kamerave duke marre autoresine e pergjimit te Agron Xhafajt dhe intervistes se bashkepunetorit Albert Veliu.
Historia e ketij investigimi fillon pasi u telefonova nga një burim i cili më tha se donte të më njihte me një person që kishte të dhëna lidhur me trafikun e drogës në qytetin e Vlorës. Burimi më dërgoi një numër telefoni. E kam telefonuar personin të cilin ju tashmë e njihni me emrin Albert Veliu. Kam dëgjuar rrefimet e tij mbi situatën e drogës në Vlorë, dhe pas disa takimesh vendosa të shkoja në terren.
Olldashi tregon se se bashku me Veliun ka shkuar ne vlore dhe ka qene me te kur I ka telefonuar vellait te ministrit te brendshem. Ka qene gazetari Olldashi qe I ka dhene Albert Veliut nje pajisje pergjimi per te regjistruar biseden qe me pas eshte publikuar nga opozita.
“Theksoj se në të gjitha takimet i kisha dhënë një pajisje regjistruese Albert Veliut. Alberti erdhi menjëherë pas takimit me Agron Xhafaj (Gonin) dhe unë i mora pajisjen e regjistrimit të bisedës që i kisha dhënë. Nga zbardhja e bisedës së përgjuar që është bërë tashmë edhe publike, Albert Velliu i kishte kërkuar Agron Xhafajt ndihmë për të siguruar dhe trafikuar një sasi kanabisi në drejtim të Italisë dhe Agron Xhafaj e kishte dërguar tek një person për të mbaruar punë.”
Gazetari tregon se se bashku me bashkepunetorin veliu kane shkuar ne nje lokal qe njihej si lokali poshte Habilajve ku eshte negociuar per sasine e droges e ne fund kane udhëtuar drejt Tragjasit për te siguruar sasinë e kanabisit. Olldashi shpjegon edh situaten ku ndodhej pas largimit nga emisioni “te paekspozuarit” ne “Top Channel”
Brenda asaj kohe ndodhi dhe largimi im nga emisioni në të cilin bëja pjesë.
Pas disa kohësh, duke mos patur mundësi transmetimi të materialit, dhe pa asnjë mbështetje në lidhje me këtë investigim që kisha kryer, vendosa të kontaktoj me Partinë Demokratike, për interesin që ky institucion ka patur gjatë gjithë kohës për të denoncuar trafikun e drogës.
Kjo deshmi ngre nje sere pikepyetjesh ne lidhje me pergjimin ku pretendohet se vellai I ministrit te brendshem Agron Xhafaj eshte pjese e trafikut te droges. Se pari gazetari Olldashi deklaron se pergjimi eshte bere nga Albert Veliu, por ky I fundit e mohoi ne intervisten e publikuar nga PD.
ALBERT VELIU
“Domethënë, ti mendon që Agronin e kanë përgjuar të tjerët?
Normale unë s’kam lidhje.
Nuk e ke përgjuar ti?
Secili ka mbrojtjen e tij ore. Ai tijën, unë timen, po nga ka ardhë kjo, e gjen Agroni, këto përgjime. Këto janë gjërat që po të them unë”
Olldashi thekson se ka qene ai qe I eshte drejtuar opozites, por te njejten gje e pretendon edhe Veliu.
ALBERT VELIU
“Pse vendose pastaj ta sjellësh tek Partia Demokratike?
Unë e solla këtu, sepse këtu është institucioni më i besuar. Si ta çoja në Prokurori, si ta çoja kudo janë gjëra që do ishin manipuluar, do të ishin zhdukur, nuk e di. Këtu e solla, sepse këtu kam besim që luftohet gjithçka me drejtësi.”
Keto kontradikta mes dy deshmive te transmetuara ne seline e partise demokratike ngrejne pikepyetje mbi kauzen kryesore te opozites, ndërkohë që dëshmia pritet të merret në administrim edhe nga prokuroria.
