Ndryshojnë rregullat për të hyrë në Malin e Zi

Ata që duan të futen në Malin e Zi duhet të kenë me vete vetëm përgjigjen e tamponit të tyre. Ky është rregulli i ri që është vendosur nga autoritetet e që u njoftua nga Drejtoria Vendore e Kufirit dhe Migracionit Shkodër.

Sipas saj, ky rregull do të jetë i vlefshëm për javët në vijim, deri në një urdhër të dytë, nga e hanë në të premte, ora 22.00.

Pak ditë më parë Mali i Zi njoftoi se do të lejojë të hyjnë vetëm personat me leje qëndrimi, leje pune, ata që kalojnë tranzit për në vendet e tjera dhe duhet të jenë pajisur me bileta avioni.