Prej dy ditësh, vijon procesi i rinumërimit të votave për subjektet politike dhe kandidatët në qarkun e Tiranës.
Sipas të dhënave të pasqyruara në faqen zyrtare të KQZ, për rreth 85 kuti të rinumëruara rezulton se Partia Socialiste ka humbur 42 vota, ndërsa Partia Demokratike 19 vota.
E kundërta ka ndodhur me plus 3 vota për Partinë Mundësia të Agron Shehajt dhe 5 vota për Koalicionin Euroatlantik të Lulzim Bashës.
Po të njëjtat statistika tregojnë se PSD ka humbur 7 vota ndërsa Lëvizja Bashkë ka fituar 2 vota.
Rinumërimi i 1282 kutive të votimit, përjashtuar diasporën, Vorën dhe Njësinë nr.10 në kryeqytet për shkak të votmit dhe numërimit elektronik po zhvillohet në pallatin e sportit “Fahrie Hoti” në kryeqytet.
Të pranishëm kanë qenë edhe përfaqësuesit e palëve ankimuese.
Vendimi për hapjen e kutive në katër qarqe u mor nga dy antarë të Komisionit të Ankimimeve dhe Sanksioneve pas pretendimeve të PD për parregullsi ne zgjedhjet e 11majit./vizionplus.tv
