Kryeministri Edi Rama në fjalën e tij gjatë mbledhjes me deputetët e Tiranës të Partisë Socialiste dhe drejtorët e bashkisë së kryeqytetit, tha se njerëzit që përfaqësojnë shtetin nuk mund të luajnë me dy porta.
Ai paralajmëroi masa drastike për këdo që firmos jashtë ligjit.
Edi Rama: Ndërtimet pa leje me javë e me muaj, në sy të të gjithëve dhe askush nuk i denoncon, kjo është bashkëfajësi, dhe për këtë do të ketë masa penale. Njerëzit që përfaqësojnë shtetin nuk mund të luajnë me dy porta në këtë farë mënyre. Duhet të marrin përgjegjësi. Policia e shtetit nuk ka për detyrë të merret me lejet e ndërtimit apo me kontrollet e tyre, por do të ketë detyrimin të informohet nëse ka apo jo leje ndërtimi, kaq.
Nëse po respektohet leja, është çështje e policisë bashkiake. Ata janë përgjegjës për aktet e kontrollit, të cilat në shumë raste janë të gjitha për ndjekje penale, sepse firmosen sipas qejfit. Këto masa do të penalizojnë këdo që merr përsipër të hedhë firmë në shkelje të ligjit.
/vizionplus.tv
