Ndihma për romët e shpërngulur

Me uljen e temperaturave, Bashkia e Tiranës ka marrë masa per krijimin e kushteve normale të familjeve te shpërngulura nga Bregu i Lumit në Tufinë, për shkak të përmbytjeve. Drejtorja e shërbimit social në bashki, Besjona Deda, tha se në repartin ushtarak të Tufinës ku jane sistemuar familjet eshte mundësuar izolimi termik i ambienteve, eshte vendosur një bolier depozite për furnizimin me ujë te pijshëm dhe tualete provizore. Krahas këtyre ndërhyrjeve në godinat ekzistuese, bashkia ka ofruar edhe ngrohjen me soba druri. Gjithashtu është garantuar furnizimi me ushqim, batanije, dyshekë e veshmbathje. Rreth 45 anëtarë të komunitetit rom janë vendosur në repartin ushtarak në Tufinë pasi mbeten të pastrehë qe kur barakat e tyre u rrëmbyen nga lumi i Tiranës gjatë shirave të javës së shkuar.