Kryeministri Rama, i shoqëruar nga ministri i Rindërtimit Arben Ahmetaj dhe kryebashkiaku Erion Veliaj, inspektoi këtë të diel kantierin në zonën 5 Maji.
Pranë bregut të lumit po ngrihet një lagje krejtësisht e re në të cilën do të sistemohen mijëra familje, shtëpitë e të cilave u dëmtuan nga tërmeti.
Por projekti parashikon edhe ndërtimin e një shkolle profesionale, objektin e ri të integruar të tatim – doganave, si dhe krijimin e një parku buzë lumit.
Kryeministri kërkoi që firmat e ndërtimit të zbatojnë kontratat, për të finalizuar punimet në pranverën e vitit tjetër.
Ndërkohë, çdo person shtëpia e të cilit do të shembet në kuadër të këtij plani, do të kompensohet me të njëjtën hapësirë, edhe nëse nuk ka qenë i legalizuar.
