Ka ndërruar jetë në spital njëri nga 5 punëtorët që u plagosën si pasojë e shpërthimit të një mine në traverbankun e Klosit, pjesë e minierës së Bulqizës. Pas 12 ditëve beteje me plagët, mbrëmjen e së hënës, ka ndërruar jetë qazim likmeta 38 vjeç. Ngjarja ndodhi me 22 shkurt ku punëtorët ishin në thellësinë 6.4 kilometra. Gjatë punës ata ranë në kontakt me një minë të pashpërthyer. Për pasojë të gjithë mbetën të plagosur, por në gjendje më të rëndë ishin Ramazan Skordha e Qazim Likmeta, të cilët u transportuan në spitalin e traumës në Tiranë me plagë të rënda. Të plagosurit të tjerë mësohet se tashmë e kanë kaluar rrezikun për jetën.
