Ndahet nga jeta në moshën 97 vjece, Vito Kapo, bashkëshortja e Hysni Kapos, një nga udhëheqësit më të njohur gjatë kohës së diktaturës.
Edhe vetë Vito Kapo ka mbajtur disa pozicione të larta në PPSH dhe gjatë diktaturës.
E lindur më 9 nëntor 1922 në Nivan të Zagorisë, Vito Kapo nga korriku 1945 gjer në maj 1946 punoi atashe shtypi në legatën shqiptare në Beograd, ku i shoqi shërbeu si ambasador.
Më vonë u emërua Drejtoreshë e Arsimit të Lartë dhe për një kohë shumë të gjatë ka drejtuar Bashkimin e Grave të Shqipërisë. Më 1960-1965 ndoqi Fakultetin Histori-Filologji.
Pak ditë më parë ishte ndarë nga jeta në moshën 99 vjece, edhe bashkëshortja e diktatorit, Nexhmije Hoxha.
