Temperaturat shumë të uleta po e bëjnë shumë të vështirë operacionin e kërkimit të trupit të pëshkatarit të mbytur një ditë më parë në rezervuarin e fshatit Bradomire në Pogradec.
Polumbarët e mbërritur mbrëmë në këtë fshat nisen operacionin për gjetjen e trupit të Ramazan Kojtarit rreth orës 07:30 të kësaj të hënë por pas pak minutash ata e ndërprene si pasojë e temperaturave shumë të uleta në ujërat e rezervuarit.
Për dy polumbarët ka qënë krejtësisht e pamundur te rezistonin në temperature të tilla e për të mos rrezikuar jetën ata kanë dalë në anë të rezervuarit.
Tani do të shihen mundësi alternative për të rinisur punën për gjetjen e trupit të 56 vjecarit Ramazan Kojtari, ish kryeplak I fshatit Bradomirë në Pogradec.
Së bashku me shokun e tij Arben Pupa ai kishte dalë për të zënë peshk në rezervuar por dyshohet se ngarkesa e madhe e peshkut të kapur që ndodhej ne varken e vogel, gati 2 kuintal si dhe pasha e vetë viktimave dyshohet se ka qënë shkak I përmbysjes së varkës.
Trupi i 50-vjeçarit Arben Pupa u nxor dje nga uji prej banorëve të fshatit dhe forcat e rendit.
Mendohet qe trupi i viktimes tjetër te jete ne thellesi te rezervuarit, ne nje distance rreth 50 m nga bregu, ne vendin ku u gjet varka dhe trupi i peshkatarit tjeter.
Thellësia maksimale e rezervuarit sipas banorëve të zonës nuk është më shumë se 12 metra. Familjaret e Kojtarit kane bere apel per nxjerrjen sa me pare te trupit te viktimes.
