Procesi i numërimit të votave në njësinë zgjedhore të Klosit është ndërprerë pas pretendimeve të opozitës për parregullsi në administrimin e kutive të votimit. Përfaqësues të opozitës kanë akuzuar se në Vendin e Numërimit të Votave (VNV) ndodhen vetëm numërues të Partisë Socialiste, duke e cilësuar situatën si të njëanshme dhe të manipuluar.
Nga ana tjetër, nënkryetari i Komisionit të Zonës së Administrimit Zgjedhor (KZAZ), përfaqësues i Partisë Socialiste, ka mohuar çdo pretendim për shkelje apo parregullsi në proces. Ai ka bërë të ditur se situata është raportuar menjëherë pranë Komisionit Qendror të Zgjedhjeve (KQZ), dhe se veprimet janë ndërmarrë në përputhje me ligjin zgjedhor.
Deri në momentin e ndërprerjes, janë numëruar 11 nga 26 Qendrat e Votimit, ku Partia Socialiste rezulton në avantazh të ndjeshëm me 61.73% të votave, ndërsa Partia Demokratike ndjek me 35.41%.
/vizionplus.tv
