Papa Leo XIV ka përshëndetur ditën e sotme njoftimin e një armëpushimi dyjavor mes Shteteve të Bashkuara të Amerikës dhe Iranit. Papa Leo, i cili ka qenë një kritik i hapur i luftës, gjithashtu përshëndeti ndërprerjen e luftimeve si një “shenjë shprese”.
“Vetëm nëpërmjet një kthimi në negociata mund t’i jepet fund luftës. Unë kërkoj që kjo periudhë pune delikate diplomatike të shoqërohet me lutje, me shpresën se hapja ndaj dialogut mund të bëhet mjeti për të zgjidhur situata të tjera konflikti në të gjithë botën”, tha ai në një fjalim sot në Vatikan, sipas “Reuters”.
Kjo vjen pasi kreu i Kishës Katolike Romake, tha dje se kërcënimet kundër popullit të Iranit janë të papranueshme, disa orë pasi Presidenti i SHBA-së, Donald Trump, e kishte paralajmëruar Teheranin se “një qytetërim i tërë mund të shkatërrohet”.
