Presidenti Ilir Meta shprehu ngushëllimet për ndarjen nga jeta të kompozitorit Avni Mula. Përmes një postimi në “Facebook”, Meta tha se kjo është një dhimbje e madhe. Ai vlerësoi figurën e Avni Mulës si një intelektual dhe personalitet i jashtëzakonshëm.
“Thellësisht i pikëlluar për ndarjen nga jeta të një prej kolosëve të muzikës dhe artit shqiptar, Avni Mula, personalitet i jashtëzakonshëm, intelektual i spikatur, model i përhershëm qytetarie, figurë e dashur dhe e respektuar nga të gjithë! Humbje e madhe që le pas shumë dhimbje! Në këto momente të vështira, jam pranë Invës, familjes së dashur Mula dhe komunitetit të artistëve! Ngushëllimet më të ndjera dhe i paharruar kujtimi i Tij! Lamtumirë Mjeshtër! U prehsh në paqen e merituar!”
Avni Mula u nda nga jeta në moshën 92-vjeçare. Ai është një nga kompozitorët më të mëdhenj të Shqipërisë.
