Dy shtetas shqiptarë të moshave 24 dhe 33 vjeç, janë arrestuar ditën e djeshme në zonën e Kozanit në Greqi për transport të 304 kilogramë kanabis të papërpunuar.
Autoritetet e policisë greke kanë parë dy automjete të dyshimta dhe pas operacionit të kontrollit në automjetin që drejtonte 33-vjeçari u gjendën 10 thasë me 20 pako kanabis të papërpunuar me peshë 304 kg e 610 gramë.
Automjeti tjetër i drejtuar nga shqiptari 24 vjeçar shërbente si koordinim dhe bashkëpunim dhe njoftonte 33-vjeçarin për kontrollet policore me qëllim transportimin e droges.
