Ndahet nga jeta shkrimtari i famshëm Milan Kundera

Ka ndërruar jetë në moshën 94 vjeçare shkrimtari çek Milan Kundera. Autori është gjetur i pajetë, i vetën në apartamentin e tij në Paris, aty ku dhe kaloi pjesën më të madhe të jetës.

Prej kohësh Kundera vuante nga një sëmundje e rëndë, që mendohet se i ka sjellë dhe vdekjen, ndërsa lajmi është bërë publik nga zëdhënësja e Bibliotekës “Milan Kundera”, Anna Mrazova.

Romancieri dhe shkrimtari modern, i lindur në prill 1929 në Çekosllovaki, ishte pjesë e një brezi me ndikim të shkrimtarëve, kineastëve dhe intelektualëve çekë, të cilët u rritën trazirave të pas Luftës së Dytë Botërore.

Ai është konsideruar një ndër shkrimtarët më të mëdhenj antikomunistë, teksa u arratis nga Çekia në vitin 1975, për në Francë, aty ku mori dhe nënshtetësinë.

Milan Kundera bëri zhurmë në të gjithë botën me romanet e tij kritike, me nota seksuale që përshkruanin absurditetin mbytës të jetës së punëtorëve në Çekosllovaki.

Shkrimtari më i përkthyer në botë njihet edhe në vendin tonë me disa prej kryeveprat të tij si “Lehtësia e padurueshme e qenies”, “Shakaja”, “Socializmi me fytyrë njerëzore” “Identiteti” etj.

I nominuar shpesh për çmimin “Nobel”, Kundera nuk arriti kurrë ta fitonte megjithatë ka fituar çmime të tjera të rëndësishme si dhe la pas një korpus letrar me shumë vlerë.