Ndahet nga jeta piktori Vilson Kilica

Është ndarë nga jeta një nga krijuesit më të rëndësishëm të pikturës shqiptare Vilson Kilica. Krijuesi i Akademisë së Arteve dhe drejtori i parë i saj Kilica u shua paraditen e së enjtes në moshën 84-vjeçare. Ai nisi të pikturojë që nga viti 1950, menjëherë pas studimeve. Pas kësaj artisti kthehet në atdhe për të dhënë një kontribut të rëndësishëm në kulturën dhe artin shqiptar. Vepra e tij krijuese ruhet dhe ekspozohet në Galerinë Kombëtare të Arteve në Tiranë, në Galerinë e Fierit dhe në koleksionin e familjes. Galeria Kombëtare numëron në fond 40 vepra të Vilson Kilicës, të realizuara gjatë viteve 1960-1989.