Kampionati më i fortë i basketbollit në botë, NBA, ka dhuruar sfida spektakolare në ekranin e Tring edhe këtë mesjavë. Surprizë ishte ndalesa e Bulls.
Pas 5 fitoreve radhazi, skuadra nga Chikago u mposht nga Philadelphia, duke regjistruar humbjen e dytë në 7 ndeshje. Vendasit triumfuan me rezultatin final 103-98 me një lojë të bukur e të luftuar shumë nga të dyja skuadrat.
Më i miri i ndeshjes ishte DeRozan i cili realizoi 37 pikë dhe dha 10 asiste, por kaq ishin të pamjaftueshme për Bulls që ta mbyllnin me sukses takimin .
Një triumf që vlen shumë për Philadelphia, pasi rrëmben vendin e dytë në Konferencën e Lindjes duke parakaluar kështu Chicagon, ndërsa kryeson klasifikimin Miami Heat me një humbje dhe 6 fitore.
Në Perëndim, Golden State vijon me fitoret në parket. Warriors triumfuan me rezultatin 114-92 ndaj Charlotte Hornets, duke ndarë kështu kreun me Utah Jazz, që në 7 ndeshje kanë 6 fitore dhe një humbje.
