Ne kohen kur Turqia dhe Greqia po përballen me nje vale refugjatesh dhe kur tragjeditë ne det vazhdojnë te marrin jetët e tyre, ministrat e Mbrojtjes se vendeve anëtare te NATO-s nis nje mision ne detin Egje. Qëllimi kryesor është lufta kundër trafikanteve te qenieve njerëzore dhe ndihma ndaj forcave detare turke e greke ne operacionet e shpëtimit. Anijet e NATO-s kane nisur dislokimin ne det. Lajmin e konfirmon sekretari i përgjithshëm i Valencës se Atlantikut Verior, Jens Stoltenberg, pas takimit ne Bruksel.
“Misioni nuk do te jete për te ndaluar apo kthyer mbrapsht anijet me refugjate. Do te ndihmojmë Turqinë dhe Greqinë ta menaxhoje një tragjedi njerëzore ne mënyren me te mire. NATO do te kontribuoje ne sigurimin e informacioneve kritike dhe te vëzhgimit per te ndihmuar ne betejën me trafikantet. Vëzhgimi dhe gjurmimi do te shtohet ne kufirin mes Turqisë dhe Sirisë”.
Ministrat turk, grek e gjerman u paraqiten homologeve te tyre kërkesën per te ndihmuar ne përballimin e situatës kritike, veçanërisht ne brigjet e Turqisë prej nga nisen barkat dhe anijet. Sipas UNHCR ne Greqi nga Turqia vetem kete vit kane mbërritur thuajse 75 mije refugjate. Rreth 410 emigrante, kryesisht nga Siria, kane gjetur vdekjen ne përpjekje per te kaluar detin dhe per t’iu drejtuar me pas veriut te europes.
