Plot emocione u mbyll edhe nata e tretë e spektaklit “Gjeniu i Madh”, mbrëmjen e së enjtes në ekranin e Vizion Plus.
Gjashtë konkurrentët e fundit të këtij edicioni u prezantuan përpara publikut dhe jurisë. Nën ethet e skenës talentet e gjeniut interpretuan disa prej këngëve më të njohura shqiptare e jo vetëm.
Konkurrentët
“Unë jetoj jashtë Shqipërisë dhe djali im ndjek Vizion Plus, dhe qe ai shtysa sa e dëgjoi që po bëhej “Gjeniu i Madh”. Duke më parë që gjithmonë shihja “Gjeniun e Vogël” më tha pse nuk shkon. Dhe qe pikërisht ai shtysa dhe iniciatori që sot jam këtu”
“Akoma po dridhem nga emocionet. Jam shumë e emocionuar. Ishte dicka shumë e bukur, e paimagjinueshme. Pas 30 vjetësh unë ngjitem në një emision dhe ne këtë skenë të mrekullueshme.”
Ndonëse me profesione të ndryshme kjo nuk i pengoi konkurrentët të ndjekin ëndrrën e tyre për muzikën.
Konkurrentët
“Unë kam kënduar, vij nga një qytet i vogël i Poliçanit, kam kënduar me estradën e qytetit dhe kam kënduar në mënyrë amatore. Por ngeli ëndërr në sirtar, për të qënë në një skenë të madhe si kjo.”
“Drejtimi i jetës, jo emigracioni, angazhimet familjare etj., më larguan nga rruga e bukur e këngës por asnjëherë nuk është vonë.”
Nata e tretë solli dhe prezantimin e plotë të 16 pjesëmarrësve të “Gjeniut”.
Por gara e vërtetë nis nga kjo javë, ku konkurrentëve do t’ju duhet të sfidojnë njëri tjetrin përpara jurisë për të prekur finalen e madhe.
