Një tjetër super produksion ngre siparin këtë të enjte në ekranin e Vizion Plus.
Pas suksesit të një prej spektakleve më të ndjekura në ekranet shqiptare “Gjeniu i vogël” producentët Pandi Laço Bledi Laço dhe Adi Hila sjellin sërish një talent shoë, “Gjeniun e Madh”, por këtë herë me të talentuar mbi 35 vjeç.
Ky format, nën moderimin e Eva Muratit, kthen në realitet ëndrrat e njerëzve të zakonshëm, të cilët për herë të parë prekin skenën televizive.
KONKURRENTET
“Gjatë qëndrimit këtu me vajzën mora vesh që do të bëhej gjeniu i madh pikërisht për të identifikuar personazhet që kanë profesion tjetër por që e kanë pasur të fjetur atë dëshirën për muzikën. Dhe që aty pata impulsin e parë për të marrë pjesë.”
“Pash një njoftim në rrjetet sociale, e mendova, pyeta se isha pak dyshuese per veten. Gjithmonë e kam pas ëndërr po asnjëherë se kisha bërë hapin përpara për tu marrë me muzikën. Por ishte një rastësi shumë e bukur që ma dha këtë shtysë.”
“Se kisha menduar më përpara po duke dëgjuar njerëzit, sa mirë këndon, njerëz që merreshin me muzikë vendosa të marr pjesë. Nuk e kam pasur asnjëherë profesion këngën, e kam pasur gjithmonë brenda vetes dhe tani po del.”
Në natën e parë 5 konkurrentë do të prezantohen përpara publikut, por edhe përpara anëtarëve të jurisë me një repertor të zgjedhur këngësh.
KONKURRENTET
“Kënga që do këndoj është “Jetike” e Semi Jauapajt. Është një këngë shumë e ndjeshme që unë dhe çdokush e gjen veten dhe unë kam zgjedhur që të vij si fillim pak butë e pastaj t’i jap më shumë ritëm.”
“Kur kam qenë e vogël këngëtaren Parashevi Simaku e kam adhuruar dhe besoj si shumë të brezit tim ndaj me këngën e saj do të vij, me “Dëgjoma këngën”
15 talentet e përzgjedhur nga juria, e cila është e përbërë nga emrat më të njohur të muzikës, si Rozana Radi, Inis Gjoni, Vëllezërit Prifti dhe Ardi Asllani, javë pas jave do të garojnë me njeri-tjetrin duke patur një formule të thjeshtë eliminimi.
Dy më të pavotuarit e natës, kalojnë në sfidë, ku vetëm njëri fiton të drejtën e vazhdimit të garës për çmimin e madh.
