Napoli mund Romën dhe ngjitet në vendin e pestë
Napoli ka mposhtur Romën me shifrat 2-1 në shtëpi. Ndeshja e vlefshme për javën e 30-të , ishte e ekuilibruar me të dyja skuadrat që provuan disa herë portën kundërshtare. Tentativa e parë drejt portës erdhi nga Fabio Ruiz, por me portierin që reagoi mjaft mirë. Pavarësisht përpjekjeve veçanërisht nga napoletanët, pjesa e parë u mbyll me porta të paprekura. Fraksioni i dytë i lojës nisi më ndryshe me skuadrën e Gattusos që shtoi presionin . Në minutën e 55, Kajehon realizoi pas një krosi perfekt të dhënë nga Mario Rui, futbollisti spanjoll dërgoi topin në rrjetë. Nga ana tjetër miqtë reaguan shpejt me armenin Mkhitarjan që goditi nga jashtë zonë dhe la në vend portierin. Për avantazhin e vendasve mendoi Loronzo Insinjë që realizoi një supergol duke mos i dhënë asnjë shans portierit. Me këtë fitore, Napoli shkon në kuotën e 48 pikëve me pikë të barabarta me Romën por me këta të fundit me golavarazh më të mirë renditen në vendin e pestë.
