Naftëtarët në grevë urie për 15 ditë/ Qytetarët mblidhen në protestë

Kjo e hënë shënoi ditën e 15 të grevës së urisë për naftëtarët e Ballshit. Në mbështetje të tyre dolën sot edhe dhjetëra naftëtarë të tjerë, që nuk janë në grevë.

Të mbështetur nga familjarët e tyre, ata nisën një marshim drejt bashkisë, ndërkohë që këndonin “Ejani mblidhuni këtu”.

Nga ana tjetër, gjendja shëndetësore e punonjësve të rafinerisë që ndodhen në grevë përkeqësohet dita-ditës. Ata kërkojnë të marrin pagat e prapambetura dhe të kenë garanci për rinisjen e punës.