Pas dhjetë ditesh në grevë urie, naftëtarët e Ballshit kanë mbyllur protesten e tyre.
10 punonjësit e ngujuar në mjediset e qendrës shëndetësore lanë sot mjediset e grevës, pasi kompania u kaloi në llogari tre pagat e prapambetura.
Pas plotësimit të kërkesës së parë, ata pritet të zhvillojnë edhe një takim me përfaqësues të kompanisë, për të negociuar për dy pagat e tjera të prapambetura si dhe për vijimësinë e punës në rafineri.
Ndërkohë, punonjësit e nenstacionit elektrik të Poçemit kanë hyrë në ditën e 14 të grevës së urisë, por ende nuk kanë një përgjigje në lidhje me çështjen e pagave.
