“Na sollën pa dijeninë tonë”/ Ushtarët rusë të kapur rob rrëfehen mes lotësh

Disa ushtarë rusë të kapur nga forcat ukrainase, kanë deklaruar se janë dërguar në Ukrainë pa dijeninë e tyre. Ata u shprehën se nuk e kishin idenë që po dërgoheshin për të pushtuar Ukrainën.

Nëpërmjet një videoje ata shfaqen teksa rrëfejnë se autoritetet ruse i detyruan që të vrasin ata njerëz që mbrojnë territorin e tyre.

“Nuk e dija se do të shkonim në Ukrainë, u mashtrova.”

“Ne u mashtruam dhe u përdorëm si mish për top.”

“Kjo nuk është lufta jonë. Na sollën pa dijeninë tone.”

2 mijë civilë janë vrarë deri më tani nga sulmet e njëpasnjëshme ruse, sipas autoriteteve të vendit, shkruan BBC.