Kryebashkiaku i Kamzës, Xhelal Mziu, i ftuar kete te premte në emisionin “Oktapod” në Vizion Plus, ka deklaruar se Erion Veliaj me shumë po del në televizor, sesa po punon. “Veliaj po përdor shumë median dhe kjo do t’i kthehet ne bumerang, sepse s’mund te rrish me ditë pa fund tek çerdhet, dhe me ditë pafund në inagurimin e urbaneve. Si koleg do t’i këshilloja të mos dilte shumë në media, sepse qytetarët i ben për vete kur punon dhe jo kur rri vetëm në media’’, – tha ai.
Por ai nuk la pa sulmuar qeverinë qendrore dhe kryeministrin Rama, i cili që prej 2013-ës, ka investuar ne Kamëz vetëm një qendër shëndetësore, qe u rikonstruktua, ndërkohë që i janë çuar për financim plot 127 projekte të ndryshme. Sipas tij: “Edi Rama duhet të dijë që në Kamëz ka edhe të majte që duan zhvillim”.
Xhelal Mziu foli edhe për arsyen që bëri Donald Trump, qytetar nderi të Kamzës. Jeta e Trump është një frymëzim për Xhelal Mziun.
Per emrat e çuditshëm, që ai ka vendosur në Kamëz, e ka një shpjegim. “Në vitin 2009 mu dha mundësia të bëja përzgjedhjen e 550 emrave për rrugët e Kamzës. U gjenda në një situatë jo komode sepse të gjithë qytetarët pretendonin të vendosnin emrat e të afërmve të tyre, ky ka qenë partizan, ky ka qenë me ballin, ky ka vdekur, etj. Unë në bashkëpunim me stafin menduam një zgjidhje tjetër, që mos të krijonim konflikte. Kështu që zgjodhëm emra qytetesh nëpër botë, emra politikanësh etj. Tani nuk mendoj se ka ngelur media pa folur për Kamzën. Unë e shikoj pozitive kete gjë“. Ai shtoi se Sarkozi ka qenë një ndër personat që e ka falenderuar Mziun, për emrin e rruges “Sarkozi”.
Për t’u ndalur tek çadra e PD, ai tha: “Rama duhet t’i jape PD-së qeverinë teknike, si mënyrë që të shkojmë në zgjedhje. Kryebashkiaku i Kamzës shprehet i sigurtë se Basha do ta marrë qeverine teknike. Mziu deklaron se nëse PS vendos të shkojë e vetme në zgjedhje, vendi mund të shkojë në destabilizim, si ne 97-ën.
Ne fund ai shprehet se nëse Basha do të fitojë zgjedhjet, ai dëshiron të japë kontributin e tij si ministër në kabinetin e kryetarin te PD-së.
