Kryetari i LDK-së, Isa Mustafa pas takimit me liderin e Lëvizjes Vetëvendosje, Albin Kurti është shprehur se ka diskutuar për harmonizimin e programeve që është arritur në diskutimet në nivel ekspertësh të dy subjekteve politike,.
Në fjalën e tij për mediat Mustafaka thënë se në këtë takim ata kanë rënë dakord që pas çertifikimit të rezultateve shumë shpejt do të formohet qeveria, duke lënë të kuptohet se kanë diskutuar se do të merren vesh edhe për postin e presidentit.
“Me Kurtin kemi diskutuar gjithçka që është arritur në mes subjekteve tona politike dhe erdhën në përfundim se është arritur mjaftë shumë në këtë aspekt sepse është arritur shumë përafrim në fushën e ekonomisë, sundimit të ligjit, zhvillimit të shtetit, formimin e organogramit për numër të ministrisve. U morëm vesh se pas çertifikimit të rezultateve në nivel të ekipeve ose për formatin që ne merremi vesh të vijojmë me formimin e koalicionit qeverisës. Nuk kemi biseduar as për ministri konkrete, kemi biseduar se ne do të mirremi vesh për të gjitha pozitat që do të sfidohemi gjatë koalicionit të ardhshëm 4 vjeçar”.
Sipas Mustafës se kush do të jetë pjesë e koalicionit të ardhshëm qeverisës do të vendos partia e parë pas certifikimit të rezultateve.
