Seanca e jashtëzakonshme e kuvendit të Kosovës, ku do të votohet mocioni i mosbesimit ndaj qeverisë do të mbahet të mërkurën, por kryeministri Isa Mustafa nuk i trembet rrëzimit të qeverisë. Komentet ai i bëri në 27 vjetorin e krijimit të degës së LDK-së në Ferizaj.
“Ne nuk i frikësohemi asnjë mocioni, asnjë iniciative politike, sepse kështu si jemi edhe sonte nëse dalim në zgjedhje mund t’i mundim”.
Opozita kosovare dorëzoi ne kuvend mocionin me 42 firma, mes të cilave ishin edhe ato të disa deputetëve të koalicionit qeverisës.
Për rrëzimin e qeverisë do të nevojiteshin 61 vota dhe nëse arrihet kjo shifër, atëherë presidenti Thaçi duhet të shpallë zgjedhjet e parakohshme.
