Votimi i marrëveshjes për kufirin me Malin e Zi zhbllokon dhe çështjen e vizave. Kështu është shprehur Kryeministri i Kosovës, Isa Mustafa, i cili ka shtuar se pakti është i drejtë dhe duhet ratifikuar.
Këto komente Mustafa i mbajti gjatë njëvjetorin të hyrjes në fuqi të Marrëveshjes së Stabilizim Asociimit dhe pranimit të Doganës në Organizatën Botërore të Doganave.
Sipas tij deputetët që votojnë kundër duhet të mbajnë dhe përgjegjësinë për izolimit të qytetarëve.
“Ne do t’i bëjmë përgatitjet tani, sepse ligji është gati të cilin e kemi tërhequr atëherë nga Kuvendi. Duhet edhe një herë ta rishikojmë dhe ta përcjellim në Kuvend. Në duhet ta ratifikojmë Marrëveshjen kufirit me Malin e Zi. Unë prapë them se ajo marrëveshje është e drejt, se nuk ka asnjë gabim në caktimin e vijës kufitare. Më shumë flitet për objektiva politike dhe për kauza politike të cilat na kanë penguar dhe të cilat më tutje nuk mund t’i vazhdojmë t’i aplikojmë për arsye se po i mbajmë peng qytetaret e Kosovës”.
Sa i takon formimi të bashkësisë së komunave serbe, Mustafa deklaroi se kjo çështje do të diskutohet me deputetët e Listës Serbe dhe faktorin ndërkombëtar.
