Kreu i Grupit Demokrat në Parlament, Myslim Murrizi akuzoi qeverinë se po tallet me shqiptarët dhe po i varfëron çdo ditë e më shumë.
Gjatë fjalës së tij në Kuvend, deputeti foli me tone të ashpra duke thënë se qeverisë do t’i vijë fundi shumë shpejt dhe se rebelemi i viti 1997 do t’iu duket “mjalt”.
“Talleni duke thënë dilni në këmbë të hënën, mbylluni të enjten. Dilni të premten me makinë të dielën kyceni makinën. Shqiptarët po shkojnë drejt një krize të paparë. Në ‘97 e partë cfarë ndodhi! Derti në fund të vitit do mungojnë në buxhet 1 miliard euro. Ju na numëroni si turistë edhe emigrantët që hyjnë. I bie që për 120 ditë gjithë shtretërit të jenë të zënë. Me kë talleni ju? Talleni me shqiptarët dhe fukarallikun e tyre, talleni se do i jepni pagë lufte, se do i ndërtoni shtëpitë, talleni me sovranitetin e votës të shqiptarëve. Pse druheni dhe keni frikë t’ju shkoni nga afër? Cfarë mëkatesh keni bërë që strukesni si struci, bëni lojë të pistë me njëri- tjeterin vecse doni t’ja fshihni të zgjedhurve shqiptarë të zgjedhurin. Një ditë qytetarët shqiptarë do vendosin vetë, s’ka për të ardhur më manekin në këtë sallë. Nga halli që i ka zënë shqiptarët nga tërmenti, virusi dhe qameti i qeverive që iu rrinë në kurriz, ju do ju vijë shumë shpejt fundi. Do ju duket ’97 si mjalti! Autostradën e keni me 4 korsi, por do harroni edhe brekë e kanotjere të merrni me vete! Jeni zero para fuqisë së votes, dhëntë zoti shumë shpejt do ta provoni.”
